唐山大地震

看畢唐山大地震這部電影後的感覺，相比看畢其文本其實震憾性不大，因此我沒有像同行的女友人般一邊看戲一邊哭。
也許人大了，心情也不容易有太大反覆；亦也許因為戲中主要描述震後生活，當中主角的不幸也只是冰山一角，相比看書想像地震時每一個受難的慘況，可謂小巫見大巫。

李小龍

有些朋友應該知道現在我都被迫看亞視的節目。從前都只會觀看無線電視的節目，印象中記得只有追看過<我和彊屍有個約會>。近排就有看<李小龍傳奇>，覺得都幾好睇喎。自己一直都不是太喜歡打鬥的故事，所以自少不會看高達或超人等等，最多都是看美少女戰士。不過之後因為喜歡看盗墓者，又覺得葉問好勁，所以都覺得動作片可以。<李小龍傳奇>講李小龍由未識功夫都成名，雖然我唔知道劇中的故事的真確性，不過都當左係真。

SATCO

之前報了民航處的AOO 和SATCO，只有SATCO 有回音。收到信叫我17/7 去St.Margaret 考試。一如以往，我都一樣只記得當日有考試，時間和地點總是記不到，只勉強記得是深旺道因為HSBC Tower 都在深旺道。當日早上才上網找出學校的確實位置，原來是近海麗，所以擬好乘車路線。我可以選擇長沙灣港鐵站出，可以選擇南昌港鐵站出，或者直接坐的士。

由於我前一日忘記了將放在公司的文具帶回家，所以出門後先去文具店買了一枝筆，之後就去享受一下豐富的早餐。原本打算太熱唔想行就坐的士，是最直接又簡單的方法。不過對我來說很多東西暫時都是奢侈品，盡可能都慳自己，慷慨他人，又儲到錢又開心就最好。因為預早十時半已經出門。早餐後就選擇坐港鐵到南昌港鐵站出，最後早了十多分鐘到學校，等了二、三十分鐘先入得禮堂。

找到自己的座位坐下，將文具、計算機、邀請信和身份証拿出來後，就欣賞一下中小學的禮堂，其實學校的佈置都幾可愛和有趣。
等到十二點三，終於開始考《基本法》。話說我上一次亂撞都有60 分，今次有溫書應該考得好一點啦。不過說話可以咁講，但事實歸事實，就算有二十五分鐘我都一樣只係用左幾分鐘做完十五條題目就訓覺。這次考試唔計《基本法》有四份卷，十分期待跟隨而來的四份卷。冇得溫書考天才我最鍾意，《基本法》就唔理啦，其他卷就沒有甚麼太大壓力。

Paper 1 和Paper 2 是 40 分鐘一同進行的考試。Paper 1 有80條睇圖的題目，包括有Speed, Distance, Time 的運算，Bearing/Direction 和Attitude 相關的問題。Paper 2 有20 條聆聽題目，會在 40 分鐘內隨時讀出題目，然後進行運算計出答案。咁即係40 分鐘做100 條題目，所以每條題目我一見到答案正確就唔再去睇其他option 會唔會真的錯。最後做完大約剩五分鐘，由於太肚餓的關係又訓覺。因為收卷太慢，要等成十五至二十分鐘，所以訓覺休息就最好。

Paper 3 是30分鐘的 Critical Thinking Appraisal，60 條題目。總共有四類邏輯題，每一類問題都有例子說明怎樣理解問題，答案只有 A 或 B。最後做完大約都剩五至十分鐘。

Paper 4 是Numerical Reasoning，20 分鐘，36 條選擇題目。我最鍾意就係這份卷。因為一方面希望d 數有d新意可以考下自己，一方面又覺得點我都一定識做晒，咁自然都會有滿足感。不過最後真係考起我，真係激氣，哈哈！

總括全部Paper 都可以完成，Paper 1 and Paper 2 一定全對啦，Paper 4 最多都係錯唔識果條，5 個choices 俾我eliminate 得兩個再二選一，可能撞到啦~ 可惜自己始終AL UE 得個D，CE AL有幾多A 連大學畢業都無用，都唔俾我考AOO。不過算啦，我考呢份一定更勝其他人一籌。

宿命主義

好聽易唱，好中point woh......我鍾意
「如何調較　相識相愛　的次序
今天碰上　愛上你　便有罪
毫無邪惡　真心的愛　都顧慮
光陰錯過　我與你　沒法追

難道　我愛你　你愛我　都不會成事
難道　你愛我　我愛你　要下輩子」
真係勁......哈哈



如何調較　相識相愛　的次序
今天碰上　愛上你　便有罪
毫無邪惡　真心的愛　都顧慮
光陰錯過　我與你　沒法追

難道　我愛你　你愛我　都不會成事
難道　你愛我　我愛你　要下輩子

沒法掌握戀愛是個　宿命的主義
我最終　不敢放任至此
在倒數的戀愛是個　生命的諷刺　
很可能　天意

誰人談到　三者戀愛　的故事
總很介意　更控訴　是錯事
誰明瞭我　思想爭鬥　的對峙
總批判我　錯愛了　沒法子

難道　我愛你　你愛我　都不會成事
難道　你愛我　我愛你　要下輩子

沒法掌握戀愛是個　宿命的主義
我最終　不敢放任至此
在倒數的戀愛是個　生命的諷刺　
很可能　天意

深得不可置信　我愛得極痛
我如何難受天不會懂

血型

早兩日因為捐血，所以不經意談論到血型的問題。
有人話因為有隱性血型，所以如果阿媽係由A 同 O生出來而血型係A，阿爸係由B 同 O生出來而血型係B，咁佢地生出黎既仔女可以係O。不過我即刻反對，我覺得無可能。而且以前都無學過可以咁，而且d 故事都成日係因為血型唔夾所以先知自己唔係親生子女。
之不過我之前睇過書，其實血型係可以變的，所以都可能有機會血型同父母唔夾既。之前睇過十萬個為什麼，現實中有人的血型曾經改變過。今日就嘗試找出原因，原來有幾種情況有機會變血型：第一就係一出世的時候，因為本身帶有母親的血(例如A)多一點，因此一出世就驗出係A型。不過長大後有機會愈來愈少A血，直到變左父親的O 型。第二就係我地將血型都分為+ 同 - ，咁一個人會由於生產對+ 血的抗體，慢慢變為 - 型。不過變左之後就唔會再變。第三就係骨髓或器官移植， 受捐者的血型有機會變左同捐者的血型一樣。
所以驗證都係DNA 好d。

厠所告示

有一樣野都幾得意。 話說公司厠所內有此告示：抹手紙勿棄於坐厠，否則會導致阻塞。但係有人就用筆刪左幾個字，變左咁：抹手紙棄於坐厠，會導致阻塞。雖然意思相近，不過我記得應該用雙重否定去叫人唔好去做某d野，不過唔知係唔係呢？另外我亦見到另一個告示：請勿將抹手紙棄於坐厠，以免會導致阻塞。我諗無理由變成咁掛：(請)將抹手紙棄於坐厠，會導致阻塞。我覺得好似有d 怪，所以我都係贊成用雙重否定啦。

捐血

昨天是我第一次捐血。本來打算找一兩個同事一同去，耐何找不到，只好自己隻身下去。到了中心，原來已經有美女同事早我一步落去，原來她亦一樣問了相同的同事一齊去，不過最後都是自己一個。


我覺得大家唔可以受人誤導認為"篤手指" 會好痛，其實全程都無特別就真。我覺得反而在醫院抽血更痛，雖然都應該只是姑娘手勢問題。


老人家知道我去左捐血就會唔高興，覺得對身體有害，覺得無必要去捐血。有同事問點解無試過捐血，咁突然自己一個會想去呢？當然我自己有自己的原因，不只是因為突然間想幫人。其中另一個原因和我今日見到一個網誌說的差不多：只是我有能力做到的，就盡量幫助人家罷了。再說捐錢我也沒多少錢可以捐，要捐亦不夠李嘉誠捐得多；反而我身體健康就有源源不絕又健康的血液，一年捐兩三次也沒甚麼好損失的。血液又沒有其他的代替品，紅血球細胞只有短短 120 天的壽命，不捐血它們也會自然死掉，有說捐血還會刺激新陳代謝。這樣看來捐血是「百利而無一害」，更何況「救人一命勝造七級浮圖」，我又何樂而不為呢？


除此之外，早前見到有朋友都捐血，所以都想試一試。雖然捐血並不是要有甚麼的大勇氣，不過至少都要肯踏出第一步，所以都當作一個小挑戰去試一試。雖然可能好低能，不過我間中都係咁低能架啦。

好聽好唱的歌

讓我多謝你那幾秒　往後和每位也差些少　
彷彿我的心　如不見了　然而懷念當日你我這段傻事　便知她　算了

忘掉被你感動卻也心跳　往後情侶一如每次所料
我愛的不少　遺憾也不過是　並沒法使我的心這樣跳

如果　沒有初戀感動經過　下個怎會愛得死我
種種因果這日才有我　情實在太多
如果　失戀失得不夠折墮　何來這剎那夠勇敢的我
所有伴侶都有份教我　曾太過拚命愛

壓力大到彼此多麼好也不得不分開
試過友情拿來暫借單戀多悲哀
大概　其實要最真心說聲　多謝愛　學到的多精彩

曾經　這雙手給她抹眼淚　拿來抱你以免你的心碎
一個又一個也得過去　而我已透視你
怕寂寞叫你遇上我所以不得不一起
過去有人同樣害我少一位知己
別怕　明白你始終都會走　多謝你　如今我輸得起


若要的通通也沒有　然而仍可手挽手　
剩下溫柔　問我一生復何求　
庸才　仍可得到你問候　
無限滋油　慢慢細賞星宿　
沒有錢不要走　到了有錢通處走　
樂在心頭　問我一生復何求　
庸才　難得找到你願受　
情在心靈　在身外　任一切　沒有　

命數轉了又轉　其實始終不自願
跟你兩個　寧願缺少了人緣
對我　你偏庇護縱寵　事業仍為我捐


還未等到的燭光晚餐　還是穿好新衫等你揀　有點冷
長年累月　何其緩慢
還未手牽手攀登雪山　還是不敢迫你定時限
如若肯約會我　你揀一個夜晚

其實我只想試試　當一剎那幸運兒
心息極容易　何不敷衍我一次
這樣的堅持　難捱但我不介意

下半生　
我知我還是會等你
若應該與你一起　為何還未
年華易過　歲月如飛
漸看得出再沒有傳奇
也難得　固執的我　堅決為你死心塌地

下輩子　
准許我揀　我還是會再次揀你
像今生從頭到尾　那般預期
結局仍然未結　我始終不容許我自卑
要是黃河未到　我又如何捨得　心死

還未解得開的這一個願　難道蒼天都愛莫能助
唯獨你可幫我　償還未了的因果

等不起
我知我　還是會等你　
若應該與你一起　為何還未
年華易過　歲月如飛　漸看得出再沒有傳奇
我們的　這一齣戲
仿似具有懲罰我的意味

太疏離　但還未可抽離
我彷彿賭著氣　要共你比
誰耐性好
今生不可一起
過一世　還是會再次等你
下一次　才能教我　有所預期
結局仍然未見　我始終不容許我自卑
要是黃河未到　我又如何拋得下你

還未等到的燭光晚餐　窮盡一生等你還

西班牙冠軍！

投球比賽完結，世界盃也正式完結，西班牙輕鬆奪得今屆冠軍！成個世界盃決賽週，西班牙都是踢最夜一場，所以我只看了西班牙唯一一場早場並輸給瑞士的比賽。因此昨晚決賽就算要捱夜都要支持下睇西班牙，Fabregas 勁呀！荷蘭其實都有不少機會，不過給Robben 浪費晒啦。
只能夠睡兩個多小時，真的非常累！

西班牙！

日日都有不少工作，亦有很多瑣碎事情去處理，不過都是可以接受的，逐件逐樣KO。不過如果有人可以分擔一下都係好既。

就快到世界盃決賽，西班牙加油！

Mixed League

昨天正式打完mixed league，最後輸左。不過我覺得對手都其實唔差，自己反而仲打得差，所以只有少少不忿不高興。

都是比較喜歡和Y小姐打球多一點，晚上和她談了一會兒，希望大家都努力重拾失去的。太過習慣容易的環境，不是大賽球員就始終差得多，要再想想怎樣進一步。

早上很高興收到回覆，不過最緊要都係要繼續努力! 加油!

世界盃

世界盃話咁快就到左四強，結果就得番德國我唔支持既。

David Villa 應該神射手啦!

加油加油!

談情說案

談情說案之前大團圓結局，都幾高興，因為楊怡終於可以和喜歡的人在一起。有一幕都幾慘，就是林峰想再和楊怡一齊但是楊怡拒絕左佢。同最初佢唔要楊怡的時候倒轉。所以呢，有時兩個人在一起都好講緣份之餘，都好睇自己識唔識做同識唔識珍惜。因為無線的電視節目總是大團圓結局，所以某程度心理上都準備了林峰點都會可以和楊怡一齊。不過真實一定唔太可能會咁啦。本來想講話無可能，不過又唔可以咁斷言話無可能，咁點都有幸運的人架嘛。
其實睇完之後又令我諗下其他野。如果我好似林峰咁傷害左另一個楊怡，咁到頭來仲有無一個咁好既機會再來一次呢？其實反而要好小心考慮自己可唔可保證唔會令對方失望，又會唔會令對方再受傷第二次呢？
實在太多太多呢...

4/7 校友會籃球比賽

今日是中學校友會的籃球比賽，幸運地可以抽到好籤，成功於小組出線進入四強。最後就得第四。季軍戰射罰球炒晒，要再練多d 先得。

好耐都無番過中學，落車行番去果時有諗番以前做學生既日子，令人懷念。美好的回憶不易被淡忘，不過要有美好的將來也真不易。兒時的生活總是最容易最快樂。

比賽之後到了小食館。對於慈雲山區學生來說，小食館可說是十分出名，是一個放學後學生食特色小食的好去處。不過少食零食的我就好少去，諗番我都可能只去過一兩次。不過就係連我都有去，所以都可以話好出名。今次叫左好多野食，真係好好味。

期待下年再比賽!

加油!

昨天可以有時間陪伴到一位做大事的朋友，見到妳準備又可以完成一件大事，很替妳高興哩!

預祝一切順利成功!

生日快樂

之前唔係太得閒, 都無係度同我親愛的好弟弟講生日快樂! 而家用少少時間補番。

祝你成功做到你想做既野，支持支持!