渣打

我記得小時候最喜歡新年收到利是是渣打銀行的鈔票，因為覺得最靚。
除此之外，想起渣打就會想起昨天首次參加了的渣打馬拉松。
由於是首次參加，所以先試試十公里的感覺和拿點經驗。
由於以前都參加開長跑比賽，例如1500，3000，所以相信10000 都唔係大問題。
練習的時候都試過高速不停跑超過10000都沒有問題，所以我估計自己的成績一定不會差的。
本來都幾期待一試身手，可是實際上原來是做不到的。
一來是和朋友一起跑的關係，跑了一段之後全程都沒有再跑，只是步行回到終點，完全沒有運動過的感覺。
二來開始愈來愈多人支持這項運動，真的是太多人一齊跑了。一開始的時候都算是跑步，不過要左閃右避，而且速度又快不了。之後就算只是步行，都覺得幾擠擁。
到了中途拿水的地方，甚至要排隊過。在4000拿水的位置，我便被一個阿嬸推開我。佢衝埋去拎左杯水之後就繼續跑。最初我都唔好意思阻住左佢，雖然係因為前面有人我行都行唔到，係佢推開d人先行到，不過之後我慢慢行竟然可以追番佢仲超越左佢，咁佢其實都唔駛咁心急啦......除此之外，我仲俾一個肥大男人撥開。明明我右面有位行，佢都要係我左面用手推開我然後繼續行，如果我其實好或者企唔穩就跌低左啦，真係好無禮貌。
到了最後階段上橋條路好窄，雖然我今年都係阻街的一份子，我覺得如果想真正跑步的只可以參加第一組別，否則真的很難全速去拿最好的成績。
下一年一定要參加半馬或全馬，只要不要太多人便好了，而且覺得跑到最後衝刺會更有氣氛。
不過總括來說都幾高興的，和朋友一起行或者跑都不錯。
當然，如果能夠相約到和自己能力差不多的朋友一起跑的話一定更加理想。
期待明年再來！