車禍 - 醉酒 & 吸毒濫藥

昨晚回家見到車禍，就講下呢個話題。

還記得當我學車，上理論課的時候，師傅都感嘆現今的人的駕駛意識每況愈下。我自問我一定是一個好司機，而不喜歡酒的我亦從此決定不會輕易飲酒，當然都唔會濫藥或吸毒。(雖然我還沒有自己的車啦)

昨天晚上看了一個電視節目，內容談及車禍 - 主要因為司機醉酒和吸毒濫藥。

先講醉酒駕駛，節目中有提到一個重點，就是司機往往飲酒之後就開車。其實好多時司機一開始是可以應付到車以及路面的情況，但之後自己就發現唔到自己判斷力下降，車禍往往都會因此發生。節目中有介紹到一副眼鏡，我亦曾在上堂時試帶過。這幾副眼鏡可以模擬人類酒後的視力，視野的確係好唔清楚，好得人驚。節目中訪問了那個在順安村車禍中死亡的老師的妻子，她說丈夫一向都以身作則，教育學生要遵守交通規則，誰知丈夫竟然慘死在行人路上。司機被判四年，但人命無左就無左，後悔都已經無用，令人惋惜。近年來和巴士有關的交通意外都多左，我記得以前我覺得巴士司機係唔會撞車的，而且巴士又大架，一定好安全，不過而家我都仍然覺得巴士係比較安全ge。

之後就係吸毒濫藥的問題，其實正常人都唔會太明白點解有人會冒死吸毒。我個人覺得那些人應該係唔怕死，所以佢地自然都唔怕亦都唔去諗吸毒後撞車會死。節目中講到有一個實驗，用白老鼠做實驗，去睇下吸毒之後隻老鼠的反應。影響真係超大，自己唔睇過真係唔知。隻老鼠行又唔多行到，又成日趺落平台下面。正如主持話，如果無網網住，幾分鐘老鼠都死左幾次。吸毒濫藥後駕駛比醉酒駕駛更危險，因為食藥之後完全唔知幾時會醒，唔知自己做緊咩，醉酒都仍然有幾分醒。

馬路如虎口，平時我都幾信任司機，所以都唔信佢地會毫無反應就撞埋來，不過有意外的時候，希望避得切就好lu。