星期天

星期天計劃了大嶼山探訪，一早就要出發去東涌，不過出發之前一早亦都收到郭同學的短訊，所以就製造左個機會俾大家可以傾下計。繼星期六晚上聯誼之後，再令大家都認識大家更多，有共同話題同性格是容易d有計傾，好朋友。

到了東涌行左陣outlet，諗緊駛唔駛買番對鞋番工或者打波，不過最後都打消呢個念頭。番工我又唔怕樣衰，打波我又鍾意d輕d既鞋，反正我又唔係專業，都習慣左穿d無function既鞋，所以都係唔好買lu。之後睇下d衫，之前我都無話真係自己去幫自己買過衫，通常都係朋友送或者阿姨送。想買又不過唔想浪費金錢，都係睇下算，反正都好多衫著。

之後去左食階，而家食階d野好食好多，太多選擇所以行來行去都唔知食咩好。最後揀左韓國野，但係都唔知點解會揀左食辣野。

之後搭的士，司機開得快，不過覺得好安全，希望遲d有錢買架車，或者有人送車俾我，或者請我做司機就好lu。

探訪完之後係碼頭等船，等左成個鐘。不過天氣真係好好，好大風好舒服。之後去左長洲食野，本來想丟低親戚自己留低行下，再去沙灘望下海，聽下浪睇下書，諗下野，融入大自然，不過最後都係唔好咁，下次自己一個先算。