發夢

早幾日同隔黎同事討論食咩野可以對邊d部位好，之後就講到睡眠同發夢。

提起發夢，她說如果人燥就會訓得唔好同埋多夢。我自己就通常都唔會太記得發左咩夢，有時就會記得少少，或者淨係記得d 人。所謂日有所思，夜有所夢，其實都幾對。因為有時發夢就係o個日發生既野，由其是訓覺前在想或者做過既野，所以如果醒左之後記得的話，就好似會曾經重覆做左d 野咁。昨晚就真係撞鬼，發埋d 怪夢，三點幾嚇醒左出晒汗，記得有d 識既人啦，有好多人，好似好多女仔，好似有d 奇怪野發生，做d奇怪野，不過唔係太記得做咩，可能我自己成日諗d奇怪野...

有d人發d咩夢都會記得好清楚，有d人就極少會發夢，其實發夢呢樣野好似好抽象同好懸疑，又超科學，都唔知點解會發夢。

再講番睡眠，唔同人睡眠都有周期，大約三至四小時一個周期，所以我都會盡量跟番時間去訓。訓得好唔好除左睇下有無夢，即係都算要睇下自己多唔多野諗之外，仲要睇心情同環境。有d 人去旅行訓唔到覺，一定要訓自己屋企張床先訓到；有d 人就點都訓到，好似我就係咁既人；我超怕熱，所以一定要涼爽d 既環境先可以訓得舒服，所以去旅行係酒店訓就會訓得好好；同埋如果床夠大就仲正。至於心情或者生活同睡眠都有唔少關係。之前唔駛番工，成日訓覺都會覺得累同唔精神，應該同心情有好大關係，之後有工番，近排又高興，心情好就訓少d都好精神。心情唔好訓醒都會易d累或者直情好似無訓過咁。

題外話，今晚歐聯，希望今晚里昂嬴波！無阿仙奴唯有支持里昂！