自信

前幾日看報紙見到一篇文章，有一句說話的確不錯：「如果今天的你不能比昨天更喜歡自己，那麼明天對你來說還有甚麼意思？」有時候人愈大會愈識得多野，但亦會同時發現自己其實識得好少。因此有時候少不免會懷疑自己的能力，或者覺得小時候的自己更優秀。之前有一陣子我都覺得以前的我厲害得多。

筆者提到生存意義，說自己應該要一天比一天更喜歡自己，同時自己的未來必然會充滿希望和生氣。筆者講得好好，我之前亦都講過人要有目標才有生存意義，如果對未來無希望又何來有目標呢。

有目標就會有動力去努力，努力去做就會勁，勁左就會有信心。
一個人除了要謙虛之外，的確要有應有的自信心，有時大口氣d 都唔怕。我自己都比較喜歡認差多於認叻，如果自己認得叻就一定有番咁上下實力，而且一定有某程度的信心。如果有人可以識一d 我完全唔識的野，我暗暗都會佩服佢；如果佢識一d 我完全唔識的野而我又覺得是厲害的東西，我就會更佩服佢，會比較欣賞佢同想學佢；如果佢可以勁過我覺得我本身是擅長的東西，我就更佩服同欣賞佢。

大家一同努力！