世界盃

咁跟住就講下世界盃。因為成日爆冷，我都有d想支持下d "弱隊"。而家既形勢如下:

A 組
賽事 勝 和 負 得球 失球 積分
烏拉圭 2 1 1 0 3 0 4
墨西哥 2 1 1 0 3 1 4
法國 2 0 1 1 0 2 1
南非 2 0 1 1 1 4 1

法國輸就預左，烏拉圭有forlan，我都好喜歡，我諗烏拉圭同墨西哥應該出線啦。我估A組首名係墨西哥，A組次名係烏拉圭。支持烏拉圭！

B 組
賽事 勝 和 負 得球 失球 積分
阿根廷 2 2 0 0 5 1 6
南韓 2 1 0 1 3 4 3
希臘 2 1 0 1 2 3 3
尼日利亞 2 0 0 2 1 3 0

一見到前歐國盃冠軍希臘呢，就唔太鍾意，因為我2004年去左葡萄牙，本來葡萄牙嬴波我就可以同佢地影相，買左個足球俾佢地簽名，點知呢，希臘竟然羸左...呢組一開始已經估阿根廷同南韓。我估B組首名係阿根廷，B組次名係南韓啦。支持南韓！

C 組
賽事 勝 和 負 得球 失球 積分
斯洛文尼亞 2 1 1 0 3 2 4
美國 2 0 2 0 3 3 2
英格蘭 2 0 2 0 1 1 2
阿爾及利亞 2 0 1 1 0 1 1

呢組一開始唔駛講，諗住英格蘭死好命對三隊弱隊，點知英格蘭又真係勁，暫時排第三。我覺得英格蘭都係番屋企lu。斯洛文尼亞話晒係世足外KO 左俄羅斯......我諗最後一場斯洛文尼亞和英格蘭啦，美國就嬴阿爾及利亞架喇。我估C組首名係美國，C組次名係斯洛文尼亞啦。支持斯洛文尼亞，歐洲既代表！

D 組
賽事 勝 和 負 得球 失球 積分
加納 2 1 1 0 2 1 4
德國 2 1 0 1 4 1 3
塞爾維亞 2 1 0 1 1 1 3
澳洲 2 0 1 1 1 5 1

呢組最初就無乜點有心水，只係知道澳洲一定無啦。我唔鍾意德國，但係見佢地第一場4:0羸澳洲，塞爾維亞我又覺得唔弱，諗住都係加納大機會輸多d。而家我諗德國都係番屋企lu。最後一場加納羸埋德國啦，塞爾維亞就嬴澳洲。我估D組首名係加納，D組次名係塞爾維亞啦。支持塞爾維亞做呢組歐洲既代表！

E 組
賽事 勝 和 負 得球 失球 積分
荷蘭 2 2 0 0 3 0 6
日本 2 1 0 1 1 1 3
丹麥 2 1 0 1 2 3 3
喀麥隆 2 0 0 2 1 3 0

呢組我諗比較正路，喀麥隆有eto'o 都無用，點都係要輸架啦。一早到而家都估E組首名係荷蘭，E組次名係丹麥啦。丹麥最後一場加油嬴日本！

F 組
賽事 勝 和 負 得球 失球 積分
巴拉圭 2 1 1 0 3 1 4
新西蘭 2 0 2 0 2 2 2
意大利 2 0 2 0 2 2 2
斯洛伐克 2 0 1 1 1 3 1

一開始見到新西蘭又諗住佢地實輸啦，不過其餘三隊我就真係唔係好估到。唔好以為意大利好勁，其實我覺得意大利都唔係好勁，不過傳統勁旅loh，又未至出唔到16強。到而家正路就最後一場巴拉圭win 新西蘭，意大利win 斯洛伐克。不過...其實睇到新西蘭真係唔差，琴晚我支持佢地羸意大利，我覺得佢地唔好彩先和波啦。所以我估F組首名係巴拉圭，F組次名係意大利啦。不過其實我都ok 支持新西蘭羸巴拉圭，意大利就再和波同英格蘭，德國一齊番屋企。咁F組首名就係新西蘭，F組次名係巴拉圭啦。新西蘭新西蘭新西蘭！

G 組
賽事 勝 和 負 得球 失球 積分
巴西 2 2 0 0 5 2 6
葡萄牙 1 0 1 0 0 0 1
科特迪瓦 2 0 1 1 1 3 1
北韓 1 0 0 1 1 2 0

呢組就最正，一開始諗住巴西一定羸，北韓一定輸。而家就唔係好知會點。我覺得可能今晚北韓會和左葡萄牙，咁最後一場巴西會唔會放水俾葡萄牙就唔知喇。科特迪瓦其實好勁架，有杜奧巴，沙洛文卡奴，耶耶托尼，高路托尼。葡萄牙就有C.Ron.不過無啦，我估G組次名係葡萄牙啦。巴西fabiano 琴晚入左兩球，勁呀，繼續繼續。

H 組
賽事 勝 和 負 得球 失球 積分
瑞士 1 1 0 0 1 0 3
智利 1 1 0 0 1 0 3
洪都拉斯 1 0 0 1 0 1 0
西班牙 1 0 0 1 0 1 0

我支持西班牙就唔駛多講，我諗佢地應該可以出到線既...我估最後三隊都係6分啦，好危險。智利其實好勁，世足外第二，僅次於巴西。入球只係少巴西一球，遠遠多過其他南美球隊。所以之前有睇過佢地世足外，覺得真係幾勁，諗住智利同西班牙一齊出線。而家我諗H組首名係智利，H組次名係西班牙啦。不過真係ng sure。

十六強：十六支晉身淘汰賽階段的球隊，於十六強的對賽是根據以下準則：

A組首名 對　B組次名 =勝方1 墨西哥 vs 南韓
B組首名 對　A組次名 =勝方2 阿根廷 vs 烏拉圭
C組首名 對　D組次名 =勝方3 美國 vs 塞爾維亞
D組首名 對　C組次名 =勝方4 加納 vs 斯洛文尼亞
E組首名 對　F組次名 =勝方5 荷蘭 vs 巴拉圭
F組首名 對　E組次名 =勝方6 新西蘭 vs 丹麥
G組首名 對　H組次名 =勝方7 巴西 vs 西班牙
H組首名 對　G組次名 =勝方8 智利 vs 葡萄牙

半準決賽：八支晉身八強的球隊，於半準決賽的對賽是根據以下準則：
勝方1 對　勝方3 =勝方A 南韓 vs 塞爾維亞
勝方2 對　勝方4 =勝方B 烏拉圭 vs 加納
勝方5 對　勝方7 =勝方C 加納 vs 巴西
勝方6 對　勝方8 =勝方D 丹麥 vs 智利

準決賽：四支晉身四強的球隊，於準決賽的對賽是根據以下準則：
勝方A 對　勝方C 南韓 vs 巴西
勝方B 對　勝方D 烏拉圭 vs 智利

決賽：巴西 vs 烏拉圭
季軍戰：南韓 vs 智利

冠軍：巴西
亞軍：烏拉圭
季軍：智利

全部都係南美球隊 ~.~