如夢 & 談情說案

昨天看了如夢這一戲，由於我不懂演戲也不懂音樂和舞蹈，所以看戲會比較去留意情節。由於主角只有二人，得一男一女的情況之下其實我應該好易會當左自己係o個男主角。不過今次我又無，因為我反而當左自己係女主角。我都幾喜歡睇感情戲，o個杭州女仔好可愛好搞笑，不過我一路睇住某d情節都覺得幾傷感，因為男主角一直都無放佢o係心，只係當佢係一個影子。有某d 位都真係幾傷心架，例如問有無夢見過佢，我自己都覺得傷心；又例如傷心都要扮無事去笑；又例如準備左好耐見到佢既時候，佢都只係當佢係另一個人；等等等等…。不過整部戲係好睇架，我鍾意。要多謝朋友邀請，如果唔係都未必會睇到。

我覺得好睇過再之前一晚睇既remember me好多，不過每個人睇戲都會有唔同感受，睇完呢套戲，再加上近排開始追睇談情說案，多左d 感想。

由於楊怡是我偶像，少不免我都會認同晒佢講既野。而家睇到佢勁鍾意林峰但係又要放棄佢，真係傷心。而家講到話林峰失約，跟住佢唯有安慰自己，大家係唔同階層既人，無咁大個頭就唔好戴咁大頂帽。其實古時有所謂門當户對，都講得唔錯既，令我諗到多d野。不過我知最後佢地一定可以係埋一齊，所以又唔會太唔開心，哈哈。我諗有時連自己都唔可以肯定自己將來會怎麼樣的話，咁就唔好太強求或者刻意，因為都無人可以肯定去做某d事是對是錯呢。

我覺得好人終歸會同最好和最適合的人一齊，所以....要繼續追，好想知道片頭林峰送花俾佢之後係點~應該會結婚掛~嘩卡卡~